Tokante nos
Radio Tesoro a wòrdu fundá dia 4 di maart 2014, na Rotterdam, Nos meta ta pa informá, eduká, konsientisá i naturalmente entretene su oyentenan, i alabes yuda forma nos kumunidat den e aspekto spiritual. Ami, Ruthson Concincion, Komo direktor di Radio Tesoro ta di opinion ku un trahadó na radio, un presentadó di programa òf un lokutor, mester ta un edukadó na momentu ku e ta hasiendo su programa. Mi ta kere ku un presentadó di programa na prome lugá mester purba di ta su mes, aunke mi sa ku tin momentunan ku esaki no ta kompletamente posibel . Ademas un presentadó mester tin pasenshi i plaser den e trabou ku e ta hasiendo. Hasi un programa ta algu ku sigur ta eksigí hopi tempu. Porhèmpel mester Buska informashon di e dia òf di e siman anterior, pa asina suministrá esaki korektamente na e oyente. E informashon mester ta veridiko i konfiabel.
Mi ta kere tambe ku un programa mester wòrdu prepará pa mas o menos 90 porshentu i e sobrá 10 porshentu bo ta hasié huntu ku e oyente. ( depende e tipo di programa)
Mi ta kere ku kreatividat i ekspreshon di opinion i tambe e eskoho di kansionnan i konta algu informativo tokante e kansionnan ku bo skohe, ta algu ku bo mester ta gusta hasi.
Por ultimo mi kier bisa ku Radio Tesoro tin espasio pa personanan ku boluntariamente kier hasi programa òf ku kier siña e trabou. Personanan ku no ta permití influensia
di afó afektá nan trabou na e radio aki. Nos kier traha riba desaroyo di kalidat di e radio i tambe riba e talento di personanan ku kier hasi e trabou, i usa esakinan pa e meta(nan) di Radio Tesoro. Nos kier traha efektivo riba kalidat i bon resultado. Interesadonan porfabor mail nos na radiotesoro@hotmail.com of radiotesoro@outlook.com
Naturalmente bo por bel òf app na: 06 20939214.